Fluttur

Fluttur á kolbeinnk.wordpress.com. Sjáumst

Tvíhöfða aftur í Útvarpið

Nenni þessu ekki lengur. Ég veit að Tvíhöfði er að fara að gefa út nýjan disk og þeir hafa sagt að þeir séu tilbúnir að koma aftur í útvarpið en samt virðist engin útvarpstöð bjóða þeim morgunþátt sem fyrir mér virðist fáránlegt því þetta er auðvitað bara besti útvarpsþáttur sem íslendingar hafa fengið.
Ég hef því ákveðið að stofna undirskriftalista til að fá þá aftur og er hann hér: http://www.petitiononline.com/tvihofdi/petition.html

Hef átt í svakalegum vandræðum með að blogga upp á síðkastið, var búinn að skrifa svaka flott blogg en svo bara var eins og blog.is neitaði að setja það inn og það hefur verið sama sagan þangað til núna svo ég reyni kannski að smella einhverju inn á morgun ;)

Kveðja, Kolbeinn.

Einn dagur í brottför

Dagurinn fór að mestu í þjóta á milli staða á Selfossi þar sem ég fattaði allt í einu að ég á eftir að gera fullt af hlutum fyrir brottför. Fór í bankann og komst þar að því að það er eitthvað vandamál með lín umsóknina mína sem ég verð að leysa úr strax til að ég geti skrifað undir við bankann en reyndar sé ég ekki fram á að ég þurfi að fá fyrirframgreitt frá bankanum en það er ágætt að hafa heimildina ef ég skildi þurfa þess. Hringdi í Lín og athugaði hvað vandamálið var og í ljós kom að það var eitthvað tæknivandamál og konan skildi ekki afhverju hún gat ekki sent umsóknina mína í gegn, það hefur víst eitthvað að gera með það að ég gerði breytingu á umsókninni einu sinni og það er víst ekki mikið gert af slíku svo þetta fokkaðist eitthvað upp hjá þeim en hún verður í bandi við mig.
Fór á gömlu vinnustaðina, Blaze og Vegagerðina og spjallaði við liðið og sagði þeim frá ferð minni um New York og tilvonandi för minni til Dublin.
Skrapp á Menam með Sigrúnu og fór svo á Sveitabrúðkaup sem var mjög skemmtileg. Hvaddi Tryggva félaga minn sem er að fara í skiptinám til Frakklands í heilt ár í heimspeki. Það er eins og það séu allir sem maður þekkir að fara eitthvert út. Heimir félagi okkar magnúsar fór um daginn til Kaupmannahafnar þar sem hann verður næstu árin, Tryggvi er að fara út, Ég er að fara út, allt liðið á Bifröst er að fara út o.s.fv. o.s.fv.
Byrjaði svo að taka mig til núna fyrir svona 2 tímum og er held ég bara að mestu búinn.
Á morgun á ég víst að fara í stúdentsmyndatökuna sem ég er hreinlega ekki að nenna og ætla að reyna að fresta henni enn meira eða til Jóla en þá er liðið alveg eitt og hálft ár síðan ég útskrifaðist en hvað um það... við sjáum til hvort ég kemst út úr því.
Á morgun þarf ég semsagt að klára allt sem klára þarf og ég er ekki alveg viss á því hvað það er sem maður á að hafa með eða þarf að gera fyrir brottför svo þetta reddast vonandi bara...

Á leiðinni til Dublin - Blogg fært

Þar sem þetta blogg er hvort sem er dautt og ég er á leiðinni í skiptinám til Dublin hefur bloggið verið fært hingað kolbeinnairlandi.blog.is að minnsta kosti tímabundið :)

Kolbeinn

Hringferðin

3 sólarhringar, 1507 kílómetrar, 20.000 kall í bensín, fullt af bæjum, ennþá meira af fjörðum, eitt eyðibíli, 2 tjaldstæði, fullt af kaffi, nóg af sól og slatti mikil eyðsla = Hringferð mín, mása og heimis um Ísland síðustu helgi. Massíft skemmtileg ferð, gistum á tjaldstæði á Akureyri sem við máttum víst ekki vera á og vorum vinsamlegast beðnir um að yfirgefa eftir nóttina. Nenntum ekki að horfa á bíla spyrna á bíladögum svo við héldum áleiðis til ferð okkar til Egilstaða og þaðan yfir á Seyðisfjörð sem er einhver pinkulítill bær lengst inn á milli fjalla og í einhverjum fyrði sem var samt svona ótrúlega skemmtilegur og með 4 kaffihús og að minnsta kosti 2-3 söfn, þrátt fyrir að aðeins 716 manns búi þar.

Skelltum okkur svo í sund á Egilstöðum og þaðan ætluðum við að halda áleiðis í Þórsmörk með nokkrum stoppum á leiðinni og sáum við þar á meðal franska spítalann sem er gamall spítali sem er eyðibíli og að detta í sundur en við létum það ekki stoppa okkur í því að ganga um hann upp og niður og hliðin á götum í gólfinu sem var ekkert sérstaklega traustvekjandi en ákváðum svo að við værum það stutt frá Selfossi og það seint á ferðinni að best væri að fara bara heima á Selfoss og halda svo gott grill daginn eftir.

Alveg geggjuð ferð og það besta var að ég náði að læra fullt á leiðinni. Annars á ég bara þessa og næstu viku eftir og þá er ég kominn í sumarfrí og byrja að vinna á skrifstofu vegagerðarinnar.

Svo er það New York í sumar og flyt Dublin u.þ.b. viku síðar :D

Fréttir frá Bifröst

Vorönn lokið og sumarönn byrjuð. 7,9 í meðaleinkunn á vorönn. Sorglega stutt frá því að vera talsvert hærri en það þýðir ekki að græta það, í fyrra hækkaði ég upp í flestum fögum við námundun en núna féll krónan bara hinum megin og ég held að ég geti alveg unað ágætlega við þessa einkunn. Hún er allavegana bæting frá því síðast og eins lengi ég ég stend ekki stað eða lækka þá hlýt ég að vera sáttur, sérstaklega í skóla með miklar kröfur. Markmið fyrir næstu önn er að fara yfir 8 í meðaleinkunn en á haustönn verð ég í Dublin í námi og ég hef ekki hugmynd hvernig skipulaginu þar er háttað en maður verður að setja sér markmið.

Missó gekk vonum framar og við fengum 8,5 sem er næst hæsta einkunn sem gefin var og aðeins 2 hópar hærri. Annar þeirra var með 2 aukakennara innaborðs (sem voru á bifrastarlistanum) og hinn líka með einstakling eða einstaklinga á Bifrastarlistanum innanborðs svo ég held að ég geti ekki verið annað en megasáttur en ég var vakandi í 38 tíma til að klára það.

Núna er ég bara í einum áfanga í einu í 3 vikur sem mér finnst bara alveg frábært. Ég ákvað að byrja bara af hörku og setið stíft við síðan á mánudag en ég get ekki sagt að það sé mikið stress á manni. Ég byrja yfirleitt verkefnavinnu í kringum hádegi (eftir fyrirlestur) og vinn til svona miðnættis með kaffibolla í annari og heyrnartólin á hausnum í rólegheitum og án alls stress en önnin er nú bara rétt að byrja svo við sjáum hvernig þetta þróast.

Er búinn að vera að skoða herbergi í Dublin en er að spá í að bíða aðeins fram á sumar með að finna mér eitthvað þar sem mér sýnist úrvalið vera nóg. Verðið er reyndar mjög hátt þarna út og ég er sáttur ef ég fæ herbergi í einhverri íbúð hjá einhverju fólki á 400 evrur á mánuði sem er svona 45 þúsund. Ef ég leigi herbergi af skólanum þá ætla þeir að rukka mig 720 evrur á mánuði sem er 82 þúsund fyrir einstaklingsherbergi með sameiginlegu eldhúsi og annari aðstöðu. Ég veit ekki hvað fólk er með í laun þarna í Dublin en það hljóta að vera einhverjar milljónir þar sem stúdentagarðar virðast rukka á við hótel hérlendis liggur við.

En nóg um Dublin. Ég fékk helgarfrí síðustu helgi og naut þess í botn en þá hafði ég ekki komið heim í einhverjar 3-4 vikur og mér finnst ég bara vera ofdekraður að fá núna helgarfrí bara hverja helgi. Ég hef haft svo mikið að gera upp á síðkastið að ég er bara hættur að venjast því að fá eitthvað sem heitir frí. Var að spá í að skreppa heim á morgun 1. maí og svo aftur á föstudaginn og vera fram á sunnudag. Þvílíkur lúxus er þetta.

Annars vantar mig vinnu fyrir sumarið en ég trúi ekki öðru en að það reddist, 1-2% verðbólga sem undir eðlilegu atvinnuleysi.

Jæja ætla að halda áfram að skrifa um Project and Operation Management.

Loksins loksins

Prófin búin og gengu vel. Skiptinámsumsókn farin til Dublin en ég var tilnefndur af Bifröst svo líkurnar eru góðar, meira bara formsatriði. Misserisverkefnisvinna búin. Var vakandi í 38 tíma til að klára misserisverkefnið sem endaði í 67 blaðsíðum. Vakti svo 20 tíma í nótt til að undirbúa misserisvörnina sem var flutt núna kl 08:30 í morgun gekk ágætlega. Skýrslan okkar var full jákvæð en verkefnið samt gott og vörnin gekk bara ágætlega miðað við að við fengum kennarann Einar Jónsson sem vinnur hjá ParX ráðgjafaþjónustunni og hefur gert greinargerð varðandi sjávarútveginn og var því miklu betur að sé í honum en við en verkefnið okkar var fýsileikakönnun sem tengdist sjávarútvegi og svo Guðmund Ólafsson hagfræðing og stærðfræðing sem virðist vita allt um allt eins og þeir sem hlusta á Útvarp sögu og horfa á Silfur Egils vita en þar er hann tíður gestur.
Nú ætlum við í misserishópnum að hafa hátíðlegan kvöldverð seinna í dag, á morgun er svo opinn dagur á bifröst og á föstudag þarf ég svo að vera í viðveruhóp hjá hópi sem ver sitt verkefni. Svo fer ég heim á Selfoss eftir að hafa ekki komið heim í fleiri vikur og byrja svo á sumarönn næsta mánudag.

Hvernig er það annars með þessa bílstjóra, þurfa þeir ekkertt að vinna? annars styð ég þá í þessu. Ef ég ætti bíl myndi ég hjálpa þeim. Ég get kannski komið á hjólinu mínu

vá það er greinilegt að ég veit ekki hvað punktar eru þegar ég horfi aðeins á færsluna

Bílstjórar á leið í Ártúnsbrekku

Einkennislag mitt

Ég hef ákveðið að fá mér einkennislag. Það er lagið upp með húmorinn hljómum. Ég held að þetta lag lýsi nákvæmlega minni lífssýn og hugsjónum. Ég gæti hlustað á það endalaust. Mæli með því að það fái sér það allir á tonlist.is

,,Bara koma svo upp með húmorinn...... Mundu að lífið að lífið er... hið besta mál, ALGJÖR SNILLD. njóttu þess bara og láttu ekki skuggana ljúga að þér" DADDADARARARA

Ég hef komið til...

Hef verið í 10 löndum.


create your own visited countries map or vertaling Duits Nederlands


1* Ísland
4-5* England (London, Cambridge)
2-3*Danmörk (Kaupmannahöfn),
2*Ítalía (Róm, Feneyjar, Trieste og fleira)
1*Svíþjóð (Út í sveit, í einhvern smábæ)
1*Noregur (Osló)
1*Þýskaland (man það ekki)
1*Króatía (Porec, Pula, Rovinj o.fl)
1*Slóvenía (Piran, Izola o.fl)
1* Vatikanið (telst varla með en gerir það samkvæmt þessu kerfi)

Páskafrí og lærdómu

Jæja þá er ég kominn í páskafrí sem verður tekið í lærdóm og aftur lærdóm. Er á leiðinni út á bókasafn núna að lesa fyrir komandi próf því prófavikan byrjar eftir páskafríið og ég er ekki svo ekki með alla hluti á hreinu. Þarf t.d. að fara í munnlegt lokapróf í lögfræði úff.

 Annars var ég að vakna og klukkan er eitthvað í kringum 3 sem er nú ekki alveg rétti tíminn til að vakna á ef maður ætlar að vera duglegur í þessum blessaða lærdómi...

Jæja best að byrja